پکتيا کې د ښاروالي وسايل د ځانګړي نوماند په ګټه کارول کيږي

راپور: همت –

پکتيا کې د ولايتي اداري تر څنګ نورې دولتي ادارې هم د جمهوري رياست د ځانګړي نوماند په ګټه دولتي وسايل کاره وي.

دا په پکتيا کې د ښاروالي د رياست کارکوونکي او د ښارولي موټر دی چې د ګردېز او کابل په لويه لاره د زلمي رسول تصوري برډونه لګوي.

د ښاروالي کار کوونکو چې تصويرونه د تيرې ګنډو په سيمه کې نسبول له  رسنيو  سره په خبرو کې وويل چې د ښاروالي د مسوولينو په غوښتنه يي د تصويرونو د لګولو اراده کړې، د ښاروالي د رياست يو موټر چلوونکي وايي: (( موږ هيڅ ملامت نه يو مزدوران يو چې څوک څه راته و وايي کار کوو، په ښاروالي کې د کريم په نوم يو کس راته وويل، چې دا تصويرونه د سرک په غاړه کې خښ کړۍ))

د تېرې کنډو پوليس وايي، د ښاروالي کارکوونکي چې دولتي موټر هم دی ورسره د زلمي رسول تصويرونه په عامه ځايونو او ښار په منځ کې لګوي خو په اړه يي څوک اقدام نشي کولي: (( دا د ښاروالي د رياست موټر دی د زلمي رسول برډونو او تصويرونه پکې راوړي د ښاروالي کارکوونکي يي هم تصويرونه وړي راوړي))

خو د ګردېز ښاروال، انجنير اغامحمد سيدي له دې څخه ناخبري ښۍ او وايي چې په دې اړه به وروسته معلومه شي چې د چا له لوري د ښاروالي کارکوونکو ته لارښوونه شوي چې د يو ځانګړي نوماند په ګټه د ښاروالي کارونکي او دولتي موټرو کاروي: (( زه په کابل کې يم له دې څخه خبر نه يم چې د ښاروالي موټر دي د يو کانديد تصويرونه خښ کړي،که بيا يي وړي هم وي چا به په زور بولي وي))

دا په داسي حال کې چې يوه اونۍ وړاندې پکتيا کې قومي مخورو او ځوانانو د بېلا بېلو نوماندانو استازو په يوه اعتراضيه غونډه کې د پکتيا په والي جمعه خان همدرد نيوکه وکړي چې د قانون خلاف په غونډو کې د زلمي رسول ملاتړ کوي او د دې ولايت په مقام  کې چې قانوني حق نلري د ياد نوماند په اړه قومي مخور راغواړي او کمپيان کوي.

د پکتيا اوسيدونکي وايي، په راتلوونکو ټاکنو کې به د يو ځانګړي نوماند په پلوي پراخې درغلي وشي، او وايي چې په داسي حال کې به د ولس او دولت تر منځ ټکر او لوی ناورين رامنځ ته شي، چې مسووليت به يي د اوسني ولس مشر حامد کرزي او د ټاکنو د شکايتونو د کميسون په غاړه وي.

د دې ولايت اوسيدونکي وايي، که د ياد نوماند څخه دولتي چارواکي ملاتړ پري نږدي، په دې ولايت کې به د دوئ پد ضید پراخ لاريونه وشي.

دوئ په دې نظر دي اوس ولس په دې پوه شوی چې نور له فاسدو چارواکو ملاتړ نکوي او نه به هم د چا په خوله کوم نوماند ته رايه ورکړي.