ښځه او حقوق ئې – څلورمه برخه / حكمتيار

اسلام اعلیکم و رحمت الله و برکاته و اما بعد!
د ښاغلي حکمتيار صيب ډېر آثار ما تر يو بريده لوستي، چې په تاريخي ليکنو او آثارو يې نيوکه ستونزمنه ده، ځکه ډېری موضوعات يې سپين دي، خو د ښځو په اړه د ښاغلي حکمتيار صيب څرګندونې ډېره تبليغي بڼه لري او له يو تحليلي او څېړنيز بهيره ډېرې لېرې ليکنې دي، نو غواړم دلته ځينو پېښو ته نغوته وکړم، چې ښاغلی حکمتيار صيب ورته پام وکړي، ځکه په افغاني تاريخ کې يو ستر شخصيت ګڼل کېږي، نو سپړنې يې هم بايد له يو عادي ملا او يا هم د چوک د چاپېر له ډنډورو لېرې وي.
لومړی خو بايډ ياده شي، چې د مصر د اهرامونو له ايروګلوفونو او يا ليکنښو نه جوته شوې او حتی په انځوريز بڼه تر موږ معلومات رارسېدلی دي، چې د کورنۍ د جوړولو هسته واده ګڼل شوې او د ګډ ژوند اجازه نامه هم هغه مهال يعنې تر فرعونيانو مخکې دده وه او د «چلې» د ورکولو يا د مېرمنې او مېړه په ګوتو کولو هم ليا مخکې له فرعونيانو رايج ول، چې ۱۲۴۰۰۰ پيغمبران هم له يو پاک کورني ټړون په ترڅ کې زېږېدلي دي او په بشري ټولنه کې تل د کورنۍ د جوړولو تبليغ شوی او له زنا د ډه ډې غوښتنه شوې ده، چې په ټولو عبراني دينونو کې د واده، د ګډ ژوند د اجازه نامې او صادقه ژوند ژمنه په حکمونو او يا آيتونو کې غوښتل شوې ده.
په دې کې شک نشته، چې د اسلام مقدس دين يو بشپړ او هر اړخيزه مکمل دين دی او د کورنۍ په جوړولو کې يې نکاح اړينه ښودلې او انسانانو ته يې د پاک او صادق ژوند حکم کړی، خو بدمرغي په دې کې ده، چې د اسلام مقدس دين هر څوک د خپلو سياسي ګټو لپاره کاروي او د خلکو ماغزه پرې مشکوکوي.
په لويديزو ټولنو کې هم د کورنۍ جوړولو ديني، دولتي او بشري اړوند ارزښتونه شته دي، چې يو نر له يوې مېرمنې سره په چرچ، محکمه او ښاروالې کې خپله کورنۍ ثبتولی شي او د کورنۍ د قانوني ګټو: لکه د ماشوم زېږولو نه وروسته پولي مرسته، د ماشوم بيمه، تداوي او تر ۱۸ کلنۍ پورې د تحصيل او روزنيز ژوند مجاني بيمه تر لاسه کوي، چې په اسلامي ټولنه کې د کورنۍ د ژغورنې دا ډول ميکانيزم ګردسره شته هم نه دي، ځکه د ولور او طويانه په نامه خپلې لورانې خرڅوي، نو د لويديز ټولنو د ټولنيزې بيمې په معنی او قدر هم نه پوهېږي. په غربي نړۍ کې چې يو څوک خپل کار او بار ولري او په دولتي مؤسسو ورټپ نه وي، نو کولی شي، همدومره اولاد راوړي، چې څومره يې زړه غواړي، که مسلمان يې روزي او که بل ډول، نو هېح نوع ممانعت نه شته ورته، مګر هغه څوک چې خپل ځان ته ډوډۍ نه شي، پيدا کولی نو د کورنۍ جوړول او يا اولاد راوړل يې بيا څه معنی، چې حکمتيار صيب د کرښو تر منځ ليکي: يو ځوان هله واده کولی شي، چې د واده کولو امکانات ولري.
د نفوس کنټرول په چين، هندوستان، اندونيزيا او يو شمېر نورو ګڼنفوس لرونکو ملکونو کې يوه بشري اړتيا ده، ځکه نو په چين کې اوسمهال په يوه کورنۍ د يوه اولاد قانون پلی شوی دی، ځکه نفوس يې تر څورلس سوه ميلياردو انسانانو اوښتی دی، چې له هندوستان سره يو ځای د دنيا نيم نفوس تشکيلوي، نو ځکه دغه دولتونه مجبور دي، چې خپل نفوس کنټرول کړي. حکمتيار صيب په يو ځای کې نغوته کوي، چې په دنيا کې پوره د رزق امکانات شته دي، مګر دا نه ليکي، چې په افغانستان کې تر ۲۰ ميليونه خلک د لوږې له ګواښ سره مخامخ دي، ۱۲ ميليونه يې مهاجر دي، د معيوبينو او معلولينو يآدښت به پرېږدو، نو که چېرې بهرني مرستې د خوارکي او نورو توکيو په برخه کې نه وي، نو د دغه خلکو وضيعت به ډېر خراب شي، ځينې به استدلال کوي، چې موږ له زېرمو ډک غرونه او رغونه لرو، مګر له هېره مه باسی، چې موږ جنګ هم کوو، موږ تکنالوژي هم نه لرو، يواځې په اوتو بوتو څه نه شو تر لاسه کولی.
بل په زړه پورې ملک روسيه دی، په روسيه کې تر ۲۰۲۰ ميلادي کاله پورې د کورنۍ د جوړو په ترڅ کې دولت له نويو کورني، سره مادي مرسته کوي، د اولاد په زېږولو د هر اولاد پر سره مشخصه نقدي مرسته ورسره کوي او هغه څوک چې درې اولاده ولري، نو د لويې کورنۍ په نامه يادېږي او له هغوی سره هم نوره اضافي مرسته کېږي او دغه لويو کورنيو ته د نورو په پرتله لوی کورونه ورکول کېږي او د کوراخيستلو په لېست کې يې هم نوم مخکې ليکل کېږي، چې دغه ټول فعاليتونه د يو ښه انساني ژوند لپاره تر سره کېږي او د کورنيو د تشويق لپاره عملي ګامونه پورته کېږي، مګر لکه رموږ مشران چې د تبليغ ژبه يې خپله کړې او سياسي لمبې ته لمنه وهي او د خلکو په سترکو کې خاورې ورشېندي، يا ښّ ووايم، چې خلقيانو پرچميانو ځپلو پلويانو ته په ميکروريانونو کې کورنه ووېشل، جهاديان د خلکو پّ کورونو ورننوتل او ديموکراتانو په زورواکانو هر څه وخوړل، نو دا هم شو د افغانانو د ژوند حال او احوال!
په پای کې بايد پاده شي، چې زموږ افغاني ټولنه ډېر ښه انساني دودونه لري، چې له اسلامي ارزښتونو الهام اخلي، مګر له بده مرغه چې افغاني سياسيون، روڼاندي او مذهبي سټې مو د افراط او تفريط چلند خپل کړی دی او له هر څه يې د شيطان ګوډی جوړ کړی دی، چې پر ښځو هم څوک څو نکاحوې او خطبې وايي او څوک يې بيا د امن کوټو ته دعوتوي، خو په کت کې ملت تباه شو، چې چاته مخه کړي، بس خدای دې پر ټولو رحم وکړي او د هدايت په څپو دې يې لاهو کړي.
معه سلامو کم الاخوتالعلوم
ملا ميوند آخوند

میوند او غورزنگه! د حکمتیار لیکنه د هغه د مسلمانی او اصولیت پسندی نخه ده، خو ستاسو مذهب او مفکوره معلوم نشو… حتما د مستشرقینو شاگردان یی

هر سړی پيدا دی خپل خپل کار لره کنه!
زما يې د ښځو د حقوقو او دلايلو سره کار نشته ولې غواړم د حکمتيار صيب د املاء په اړه ووايم چې سمه نه ده!
د پښتنو غټه ستونزه همدا ده چې يو څو اثار وليکي نو بيا د خپلې ځانګړې املاء او انشاء غوښتونکي شي!
يوه ورځ يو سيتمي راته ويل: (پښتو خو دومره مهمه ژبه نه ده، پښتو ته درې څلور ياګانې پلانکي هم جوړې کړې دي!) له پلانکي نه يې موخه يو ځوان پښتون سيتمی ؤ!
نو حکمتيار صيب هم اوس په پښتو کې ځان د ځانګړې څښتن بولي ولې په پاړسو کې بيا د زرياب املاء تعقيبوي؟!
ياګانې يې ناسمې دي او حتی د ليکنې سرليک يې هم سم ترکيب نه لري.
د (ښځه او حقوق ئې) پر ځای (د ښځې حقوق) هم لنډ او هم برابر دی

Mr. Hekmatyar,
I am still wondering where is woman rights, respect and position in Muslim Societies? Why do we have to blame West for what we have been doing to our people? When we claim that as Muslims we ought to be compatible with time, then why are you trying as a major player in our society to slow our thought processing like zombies?

We need to advance in deeds and thoughts or stay the same and have what we have, which is sometime useless, miserable and mere existence on earth…

Mullah Habib