تاند- په کابل کې د پنجشېر سلګونو اوسېدونکو د جمعې په ورځ په یوه غونډه کې د بلخ د سرپرست والي او د جمعیت د اجرايي ريیس عطا محمد نور ملاتړ اعلان کړ.
دا غونډه وروسته له دې وشوه چې د جمعیت ګوند یو شمېر غړیو له ارګ سره د عطا محمد نور خبرې غیرشفافې وبللې او پر هغو یې انتقاد وکړ.
په کابل کې مېشتو پنجشېریانو وویل چې دوی د افغانستان د خلکو د غوښتنو په ملاتړ کې د عطا محمد نور د مقاومت او قاطعیت ستاینه کوي او د نوموړي د شفافو پرېکړو کلک ملاتړ کوي.
دوی په دې غونډه کې چې د «هرځای چې چا پوله وایستله، تاسو پرې پُل جوړ کړ» تر شعار لاندې د «همږغۍ او همپالنې» په نوم په غونډه کې د بلخ د سرپرست والي ملاتړ اعلان کړ.
په دې غونډه کې د پنجشېر یوه دیني عالم مولوي عبدالمالک ضیايي وویل چې پنجشېریانو د جهاد او مقاومت په دوران کې ډېرې قربانۍ ورکړي او هیڅکله زور ته تسلیم شوي نه دي خو د دوی ستروالی او درنښت ته په حکومت کې په څه سترګه نه دي کتل شوي.
ده وویل چې په حکومت کې د پنجشېریانو سم استازیتوب نه دی شوی او کمه برخه ورکړای شوې ده.
مولوي ضیايي له ارګ سره د عطا محمد نور د خبرو ملاتړ وکړ.
د مشرانو جرګې پخواني مرستیال محمد اعلم ایزدیار، چې اوس د پنجشېر سناتور دی، هم د حکومت او استاد عطا ترمنځ خبرې په خیر وبللې.
له بلې خوا د ایران تسنیم نیور خبري اژانس د جمعیت ګوند د ځینو مشرانو له قوله وايي چې له ارګ سره د عطا محمد نور چېنې ناشفافې دي.
دا اژانس وايي چې اجرايي ريیس عبدالله عبدالله د افغانستان له ولسمشرۍ سره د چېنو وهلو توان نه لري.
ټول پټی یی وخوړ ، ته یی لا مږه بولې.
دا شل کاله د افغانستان ټول واک د پنجشیریانو سره دی خو دوی لا قانع نه دي.له یوه کوچنې ولایت نه چې ټول نفوس یی د 60 زرو او سل زرو ترمنځ اټکل شویدی د کابینې نیمایی وزیران ، نیمایی جنرالان، نیمایی نه زیات سفیران او د ټول هیواد په مقیاس له نیمایی نه زیات رییسان پنجشیریان دی ، خو د مولوی ضیایی په قول دوی ته په دولت کې کافي برخه نده ورکړل شوی.
دا بيچاره گان بي سواده دي سريي نه خلاصيزي