کرايه شوی ليکوال/ زلفانه

څو ورځې مخکې مې د( کابل جعلي عکسونه) تر سرليک لاندې واقعيت بیان کړی و، چې طالبان افغانان نه دي، بلکې د پاکستاني استخباراتي کړيو پورې تړلي دي.

هغوی  د خپلو کړو وحشتونو د پټولو لپاره په  خواله رسنيو تور ولګاوه، چې دوی غلط انځورونه خپاره کړي دي او طالبان دغه  ډول وحشت ترسره کولی نه شي.

خو هغه خبرې مې ټولې د جعلي عکسونو تر سرليک لاندې وليکلې، اوس يې تکرار ته اړتيا نه وينم،چې يو ځل بيا د پنجاب په خم کې رنګ شوي جعلي فيسبوکيان  د طالب  دغه تر سره شوي وحشتونه داسلام د قوت لامل وګڼي.

هيښ ويښ په نوم يوه فيسبوکي پنجابي ليکلي دي، د کابل جعلي اداره، جعلي اراکين او جعلي کرایه شوي ليکوالان  د دولت په ګټه تبليغات کوي.

هېښ ويده پنجابیه! تاسو ته شرم نه درځي، تاسو له الله تعالی څخه وېره نه لرئ، تاسې د پښتونوالي او اسلام په نوم څه پېژنئ.

ستا سو دغه ډول کړنو خو انسانیت تر پوښتنې لاندې راووست، ستاسو احساس خو هسې هم د پنجابي ادارې په اوبو پاک شوی دی، مغز مو کار پرې ايښی دی، د طالب هره وحشي کړنه تاسو ته ستر او سپېڅلی جهاد ښکاري.

دا چې تاسې په پنجابي دسترخوان سهار او ماښام ډکېږئ، د پنجابي خبره  درته تر ټولو لوړ اسلام ښکاري، همدغه پنجابي پر تاسو کومې نادودې ونه کړې، په کوم مخ بیا ورسره په يوه غولي ناست ياست؟  کومه ښېګڼه يې دريادېږي، چې بیا مو د پنجابي…….. نيولي دي.

زه چې کوم څه ليکم ماته حيا درېږي، د پاکستان هغه خواخوږۍ مو لکه چې سترګو ته ودرېده، چې ستاسو د تحريک پر ضد يې  نړيوالو ته اډې ورکړې او نن  تاسو  د همدغه  پنجابي په نغوته ټوپک اوږې ته اچولی ، د پرديو يرغلګرو سره د جهاد په نامه افغاني مېرمنې ژړوئ، کله چې امريکا او متحدينو ستاسو حمارت چپه کړ ل، بیا مو د هغه بنجابي غېږې ته پنا وروړه.

د ملا عبدالسلام هغه کیسه مو له ياده وتلې ده، چې امريکايانو ته يې بربنډ په لاس  ورکړ، د ملا برادر، ملا خېرخوا او په لسګونو طالب اورپکو مرموزه وژل کېدل  به هم ستاسو له ياده وتلې وي.

 ملا عمر چې پاکستاني استخباراتو له منځه يووړاو تاسو اوس هم د پاکستان ننګه کوئ، لا مو هم ګردنۍ  پاکستاني مرميو ډکه ده او خپل هيوادوال پرې  شهيدانوئ.

موږ خو شکر مرکزي ادار ه لرو، مشروع ولسمشر لرو، ستاسو جعلي اداره چېرته ده؟ ستاسو جعلي ليکوالان به نن بیا د طالب اورپکو وحشتونو ته شډل توري تراشي او ځينې خيرن څڼيور به يې د ډمانو په انداز کې وايي.

شرم هم حد لري، وايي که پوز پرې کړې شرم درلودای، نو د چړې نوم به يې لا اخيستی نه و، تاسو خو د پنجاب  د شومو مو خو لپاره دلته رادرومئ، تاسې خو تل افغانان د يرغلګرو غلامان بولئ، تاسې خو تل موږ ته د پرديو يرغلګرو جاسوسانويلي دي.

که تاسو له هيواد سره هيوادنۍ مينه پاللې وای، که تاسې رښتیا هم د هيواد ګټو ته ژمن پاتې شوي وای، نن به ولې يرغلګره امريکا او متحدين زموږ هيواد ته راتلل.

اسامه بن لادن چې تاسو  د اسلام داعي بلل، هغه اسامه چې تاسو يې ننګه کوله، اخر چېرته وموندل شو؟ تاسو د پاکستاني استخباراتي کړيو په دام کې ګير ياست، افغان  دولت او خلک به هيڅ کله تاسو سره سوله ونه کړي، تاسو د انسانيت په لمن داغ ياست، تاسو د اسلام د بدنامۍ لپاره هڅه کوئ.

شاید ستاسو تر شا اوس هم د سرو يهودو لاسونه وي، چې هم مو منبر بدنام کړ او هم مو د جهاد سپېڅلي نوم ته هم صدمه ورسوله.

تاسو خو تل د اسلام او افغانيت بدنامولو لپاره ملا تړلې ده، تاسې د هيواد ورانۍ لپاره لېڅي را بډ وهلې دي.

تاسو خو په تور سرو وس رسېږي، چې په صحرايي محکمو کې يې په سزا رسوئ، ستاسو قضا چېرته اسلامي بڼه لري، ستاسو هره فيصله د موټر سايکل پر سر او د جومات مخ ته وي، نو څنګه به موږ تاسو  اسلامي داعيان وبولو، چې اسلام بدناموئ او د اسلام د ورکولو هڅې کوئ.

تل مو د قران سپکاوی کړی دی، داسې پېښې هم کمې نه دي، چې خلک مو تر قرانو لاندې په شهادت رسولي دي.

همدارنګه په اندړو ولسوالي کې د مولوي  رحمت الله اندړ په  کور کې يې قرانکريمونه وسوځول، د هلمند او لوګر  په جوماتونو کې چاودنې ته  يې هم اسلامي لټولي دي ، همدې تش په نوم د اسلام داعيانو دغه  عمل  سر ته ورساوه.

هېښ ويش وروره! ته هم د پنجابي په ټوک لوی شوی يې، تاته هم   پنجابیانو د وطن ورانونې نسخه درکړې ده، چې زموږ په مشروع دولت پورې  غلطې خبرې ليکئ، لږ خو مو د ملا عمر، ملا برادر او ملا خېرخوا برخليک درياد کړئ، سبا تاسو هم په ورته برخليک اخته کېږئ.

هېښ ويښ ته به همدومره ووايم، چې زموږ اداره  جعلي نه ده، بلکې تاسو جعلي اداره جعلي مشران  چېرته دي، چې هر وخت د خپل وطن د ورانونې دسیسې په پاکستان کې  جوړوي.

لږ شرم وکړئ، وای که پوز پرې کړي شرم لرلای، نو  د چړې نوم به يې لانه اخيست، ، لږ شرم   احساس وکړئ، د پاکستاني بادار تر اغېز لاندې مه راځئ، د پنجابي ټوکمار په غلامۍ کې عزت نه شته، سبا به بیا له خیره ستاسو د خيرنو څنړوپه بدل کې  ببرسري نوټونه واخلي.

خپل زلالت پرېږدئ، نور  د سرټمبګي وخت نه دی، خپل سرونه وژغورئ، افغان امنيتي ځواکونه درپسې دي، تر اټکه به مو ځغلوي.

هيښ ويښه ويده نه شې، ستا عقل او خبرې د پنجابي ملا د مکار مغز تفسیر دی او موږ ددغه مکار دښمن   پر مکارۍ نه غولېږو، ډېر ژر به د څپېړې بدل په سوک درکړو.