تاند- د افغانستان ولسمشر حامد کرزي هیله څرګنده کړه چې د دوو کاندیدانو ترمنځ موافقه به نتیجه ورکړي او د انتخاباتو پایلې به ژر څرګندې شي.
ولسمشر کرزي نن د هیواد د خپلواکۍ د ۹۵ کالیزې په مناسبت جګپوړو دولتي چارواکو، د ملي شورا د دواړو جرګو غړیو او یو شمېر سیاتوالو ته خبرې وکړې او د ولسمشرۍ ماڼۍ ته نژدې یې د استقلال مینار ته د کلانو ګېډۍ کښوده.
په دې مراسمو کې د ولسمشرۍ دوو کاندیدانو اشرف غني احمدزي او عبدالله عبدالله هم برخه لرله.
ښاغلي کرزي له انګرېزانو څخه د غازي امان الله خان په مشرۍ د افغانانو د خپلواکۍ ورځ د افغانستان د عزت او ازادۍ ورځ وبلله، ویې ویل:«د افغانستان استقلال، د افغانستان د خلکو د قربانۍ او ایثار ثمره ده، چې زموږ نیکونو موږ ته په میراث را پرې ایښې ده او د دې میراث پالنه او ساتنه موږ هم کړې ده..»
ده له شوروي څخه د افغانستان د ازادۍ یادونه هم وکړه، ویې ویل:«افغانستان موږ یوار بیا د شوروي له اشغال څخه آزاد کړی او ملت او خاورې ته مو ویاړ وربخښلی دی.»
کرزي د خپلو خبرو په پای کې وویل، هیله لري چې انتخابات ژر نتیجه ورکړي ځکه چې افغانان په بې صبرۍ انتظار دي.
کرزي په دې اړه د خپلو خبرو په دوام کې دوو کاندیدانو ته په اشارې وویل:« زموږ د دواړو وروڼو، چې له یو بل سره یې موافقې کړي دي، د افغانستان د خلکو په خیر به یې موافقې نتیجې ته ورسېږي او افغانستان د داسي حکومت خاوند شي چې ټول افغانان یې خپل وګڼي، د ټول ملت وي او څوک پکې نژدې او لېري (خپل او پردی) نه وي.»
د افغانستان اوسنی حکومت، چې د شمال ټلوالي مجاهدین پکې زیاته ونډه لري، د ثور اتمه د خپلواکۍ او ملي ورځې په توګه لمانځي خو د طالبانو د بریدونو د خطر له کبله له تېرو څو کلونو راهیسي د ثور اتمه د لومړیو کلونو په شان نه شي لمانځلی. اکثره افغانان د اسد ۲۸ مه د افغانستان د خپلواکۍ د جشن په توګه لمانځي.
دخدايه شكر كذار يم جه كرزي صاحب به خبلو خبرو كي اعتراف كوي واءي :
دافغانستان اوسني حكومت جه شمالي تلوالي مجاهدين به كي زياته ونده لري
سؤال هم دلته دي جه دا ونده دوي ته جا ،او د خه دباره وركره مسوليت ددي كار شخصا كرزي بوري تعلق لرلو ايا كرزي ددي كار به هكله دملت خلكو ته جواب وواءي او كه نه بايد ملت ته جواب وواءي