کرزی: پاکستان په افغانستان کې ملک الطوایفي غواړي

آيا دا خبري د طالبانو د مشر دي؟

حقمل

ډېرو دا گمان كولو چي طالبان به هيڅكله د امريكايي ځواكونو د شتون په صورت كي له هغوى سره خبرو ته كښېنني، له اوربند سره به توافق ونه كړي او د امريكايانو په وينا به د كابل له حكومت سره مذاكرات پيل نه كړي!! خو له پټو مذاكراتو مطلع كړيو ويل چي د طالبانو يوه ځواكمن اړخ په ټولو دغو مواردو كي د طالبانو د معلن او څرگند دريځ خلاف له امريكايانو سره توافقات كړي!! اوس چي په قطر كي د امريكايانو په وينا طالبانو ته دفتر پرانيستل شو، د يوې ورځي لپاره پر دې دفتر د طالبانو سپين بيرغ ورپېدو او د امارت اسلامي سياسي دفتر لوحه پرې وځړېده، خو ډېر ژر د امريكايانو په امر بيرغ نسكور او لوحه لري شوه، او امريكايي چارواكو اعلان وكړ چي طالبان بايد پر خپلو ژمنو ودرېږي، له موافقې سره سم عمل وكړي كه نه نو دفتر به ئې وتړل شي، په كابل كي د امريكا سفير وويل: امريكا د طالبانو امارت اسلامي په رسميت نه پېژني، دا دفتر د مذاكراتو په موخه پرانيستل شوى، د طالبانو هيئت به لومړى د امريكا له استازو سره خبري كوي او ورپسې به د صلحي عالي شورى له هيئت سره!! په رسنيو كي د طالبانو د استازو دا حيرانوونكي اظهارات هم منعكس شول چي حاضر دي د اوربند او له 2014 وروسته د يو شمېر امريكايي ځواكونو د پاته كېدو په اړه خبري وكړي، دې ته هم چمتو دي چي د كابل له حكومت سره مذاكرات پيل كړي!! دا پوښتنه راولاړېږي چي آيا دا خبري د طالبانو د مشر دي؟ او آيا د طالبانو ټول اړخونه له دغو خبرو سره موافق دي؟ كه دا د طالبانو د مشر خبري نه وي او د طالبانو ټولي ډلي ورسره موافق نه وي نو ولي د دغو غلطو دريځونو په خلاف عكس العمل نه ښيي، هغه نه ترديدوي او له دې گناه ځان نه تبرئه كوي؟ كوم مؤمن او عقلمن مجاهد به په داسي حال كي له اوربند او د بهرنيو ځواكونو له حضور سره توافق وكړي چي هېواد ئې د اشغالگرو ځواكونو په لاس نيول شوى، د خپلي خوښي نظام او لاس پوڅى مفسد حكومت ئې تپلى، د اشغال دوام او د دې نظام بقاء غواړي او په همدې موخه ئې له مخالفينو سره مشروط خبري پيل كړې؟!! آيا په دوحه كي يو داسي بې واك او بې اعتبار دفتر چي د بيرغ او لوحې نصبېدل او نسكورېدل ئې هم د بل په واك كي وي او د دښمن اشاره پرانيستل كېږي او تړل كېږي، آيا داسي دفتر په دې ارزي چي دومره تنازل ورته وشي، د دښمن ټول خطرناك او د نه منلو وړ شرائط ومنل شي؟!! او دا ټول په داسي حال كي چي دښمن د جنگ په ډگر كي ماته خوړلې، له وتلو پرته بله چاره نه لري، لاس پوڅى حكومت ئې شړېدلى، مجاهدين كولى شي په لږ نور صبر سره خپل ټول اهداف ترلاسه كړي، د هېواد خپلواكي، د بهرنيو ځواكونو بلاقيد او شرط او بشپر وتل، د افغان ولس د خپلي خوښي او له خپلو معتقداتو سره سم نظام راتگ تضمين شي.

په كار خو دا وه چي اوس او د سپيني ماڼۍ له دې اعلان وروسته چي تر 2014 وروسته به هم د دوى ځيني ځواكونه په افغانستان كي پاته وي او د ايټاليا، جرمني او تركيې يو شمېر ځواكونه به هم له دوى سره وي، د دې اعلان له خپرېدو سره سم بايد طالبانو خپل پټ مذاكرات هم قطع كړي وى، د حزب اسلامي د اسلامي او جهادي دريځ ملاتړ ئې اعلان كړى وى، همغسي لكه چي پر افغانستان د امريكا د بريد پر مهال حزب اسلامي د طالبانو د دريځ ملاتړ وكړ او خپلو مجاهدينو ته ئې لارښوونه وكړه چي د ټولو هغو كسانو ملگرتيا وكړي چي د يرغلگرو په ضد مقاومت كوي، له ټول افغان ولس ئې وغوښتل چي د امريكا په ضد مقاومت كي فعاله برخه واخلي.

موږ باور لرو چي حقيقي مجاهدين به هيڅكله د قطر له دې بهير سره ملگرتيا ونه كړي، له پټو معاهدو او مشروطو مذاكراتو سره به توافق ونه كړي او تر هغه به خپل جهاد ته دوام وركوي چي ټول بهرني ځواكونه زموږ له هېواد ووځي او په خپلواك افغانستان كي د ملت د خوښي اسلامي حكومت قائم شي، امريكايان او افغاني لوري بايد په دې پوه وي چي د معامله گريو له لاري څه نشي ترلاسه كولى، هغه دور تېر شوى او بيا به هيڅكله تكرار نشي چي پردي زموږ پر هېواد حكومت وكړي، خپل تالي څټي پر افغانانو مسلط كړي او كومه ډله وكولى شي د پرديو د مټو او وسلو او پيسو په زور پر افغانستان حكومت وكړي.

څنګه، اوس لکه چې ملک الطوایفي روانه نه ده؟ که یې نه منې نو د مزار شاروالۍ یو عادي مامور د جنګسالار والي له موافقې پرته له دندې ګوښه یا تبدیل کړه، خپله والي خو پریږده ، دا یو کوچنی مثال دی. پاکستان خو له سره افغانستان غواړي نه او دا کومه نوې خبره نه ده. نو داسې والي که پاکستان مقرر کړی وي، ولې؟ او که تا مقرر کړی وي نو ولې له مرکزه اطاعت نه کوي؟ دا خو ته یې چې له ملي خاینانو دې نظم ډک کړی دی. مال خپل ساته ګاونډی غل مه نیسه.

احمد جانه وروره. دا يهودا خس او خنزير دي د خاله زامن سو ملايان دي دشمنان سو

حقیقت خو دادی چی په افغانستان کی یوازی او یوازی خودخواهی او ځانځانی ده..نه څوک دجهاد په کیسه کی دی او دنه دوطن،ازادۍ،اسلام او مسلمانۍ په کیسه کی دی…کرزی بیچاره ددنیا دزورور ملکونو،پاکستان،بی دینه او متعصبه شمالیانو،سرټمبه ..
طالبانو او ناپوه اواحساساتی ملت ترمنځ پروت دی…

موږ ناپوه او احساساتی ملت په دی خاطر یو چی هیڅ کله مو دعقل څخه کار نه دی اخیستی ،هر څوک مو لکه ماشومان تیرباسی او بیا وایو چی افغانان پر وطن مین خلک دی….لعنت دی وی پر داسی وطن دوستۍ…..زموږ دناپوهۍ اندازه ددی څخه مالومیږی چی بی ادبی معاف یوخر دمخه سی ځان ته هوښیار او پوه ووایی او موږ لکه ړانده په پسی سو….طالبانو ۵کاله وینی توی کړی ،په هغه وخت کی مو هم ددی قاتلانو او جاهلانو ملاتړلی وه اوس هم هغه خلک دی هره ورځ مو باسواده او پوه خلک وژنی….شمال ګل کلزار دی مګر پښتانه جهاد کوی..طالبه که ته رشتیا جهاد کوی او دافغانانو غم درسره وی نو په دا ۱۲ کاله کی دی افغانستان دښمنان لکه دوستم عطامحمد محقیق او خلیلی غوندی کسان چی داخلک یوازی اویوازی دافغانستان تجزیی ته انتظار دی،طالب پر دی خاین یوه حمله ونکړه،یو پکښی مردار نسو..بیله ربانی څخه چی هغه ددوی څخه جلا سړی وو…مګر پښتانه قومی مشران او پوه خلک مو ووژل…تاسی پوهیږی چی ولی طالبان یوازی پښتانه په نښه کوی او دشمال لنډه غر چی یو وخت ددوی سرسخته دښمنان وه هیڅ ضرر نه رسوی بلکه خبری هم ورسره کوی چی څنګه افغانستان تجزیه سی،،داځکه چی پاکستان دوی ته وایی چی پر شمالی والو به حملی نه کوۍ ځکه چی پاکستان پوهیږی چی داغه شمالی وال به بیا دافغانستان دتجزیی موقع برابروی او د ضرورت په وخت کی به دپاکستان هره خبره هم منی…که دا خلیلی محقق دوستم عطا او فهیم نه وای اوس به دافغانستان مشکل یو طرفه سوی وای..نه به چا دپارلمانی سیستم چی اصلا دتجزیی کیلی ده ناری وهلی او نه به دشمال او جنوب خبره وای……

که چیری افغانستان دتجزیی تر حده ورسیدئ نو ددی یوازینی او یوازینی عاملین به طالبان وی..ځکه چی طالب اول خو یی ۵ کاله افغانان د اسلام په نامه په اور کی وسول افغانستان یی پر شمال او جنوب وویشۍ..ددنیا څه چی ترهګری ډلی وی هغه یی افغانستان ته …،راوستلی، امریکا او انګریزانو ته یی داموقع برابره کړه چی پر افغانستان حمله وکړی..په زرګونو افغانان شهیدان سول..اول خو سولی ته نه اماده کیدلاست اوس چی پاکستان درته وولی چی بچیه وخت دی دی ځان خبرو ته اماده که..اوس دخپل خودخواهی او قدرت طلبۍ په خاطر افغانستان پر څو ټوټو ویشی او دامریکا اوانګلیس فارمولونه دوی عملی کوی….