تاند- د انتخاباتو د خپلواک کمیسون اداري پلاوی، مشر او مرستیال نن د دې کمیسون د غړیو ترمنځ په رایو وټاکل شول.
یوسف نورستاني رييس، عبدالرحمن هوتکي مرستیال او ګلالۍ اڅکزۍ منشي وټاکل شول.
ښاغلی نورستاني په امریکا کې د ښوونې او روزنې په برخه کې لوړې زده کړې تر دوکتورا پوري کړيؤ پخوا د دفاع وزارت مرستیال، د هرات والي او د ولسمشر کرزي سلاکار پاتې شوی دی. دی د فضل احمد معنوي ځای نیسي چې تر مشرۍ لاندې یې د ۲۰۰۹ م کال د ولسمشرۍ او ورپسې د ولسي جرګې انتخابات تسره شول.
دواړه انتخابات له جنجالونو او پرېمانو درغلیو ډک ول. معنوي په انتخاباتو کې د بې پرې توب په نه رعایتولو او فساد تورن شو خو د قوي قومي او سمتي علایقو په مټ یې د ټولو اعتراضونو په وړاندې مقاومت وکړ.
د ټولټاکنو د خپلواک کمیسون نهه نوي غړي تېره اوونۍ وروسته له دې ولسمشر کرزي له هغه ۲۷ کسیز لیست څخه خوښ کړل چې د غوراوي کمیسون د څو سوو کاندیدانو له منځه غوره کړي ول.
ټول هیوادوال دپرځای او عادلانه ټا کنو دترسره کیدو لپاره هیله مند دي خدای ج دې ښاغلي نورستاني صیب ته وس ورکړي چې دخلکو دغه هیله پوره کړي
دی خو د امریکا نژدی کس ده