تاند، شنبه، د قوس ۹مه: په بګرام کې د ټرمپ له څرګندونو وروسته چې ویلي یې وو طالبان اوربند او د سولې هوکړې ته لېواله دي، اوس یوه طالب سرچینه هم د نوم نه ښودلو په شرط وايي، له امریکا سره د سولې هوکړه پخوا نهايي شوې او اوربند یې یوه برخه وه.
دغسې سرچینې د قطر د طالبانو د یو سیاسي مشر هغه وټس اپ کلیپ هم تاند ته غږول چې خپلو ملګرو ته پیغام ورکوي چې ټرمپ د طالبانو امریکايي استازو له پلان سره سمې خبرې کړې دي، خو په وینا یې چې دا اوربند به له امریکایانو سره وي، له افغان ځواکونو سره د اوربند خبره به په افغاني مذاکراتو کې وروستۍ کېږي.
د طالب سرچینې په خبره امریکا له مذاکراتو پرته بله لاره نه لري او تېره اوونۍ یې له زلمي خلیلزاد سره په قطر کې درې ورځې د سیاسي مشرانو ناستې په رښتیا سره شوي دي.
دا په داسې حال کې ده چې د امرکیا ولسمشر ډونالډ ټرمپ بګرام ته د پنجشنبې د شپې په سفر کې ویلي وو امریکا اوربند غواړي او طالبان هم اوربند ته حاضر دي.
کچیری په بین الافغانی کی افغان دولت او طالبان په اوربند او دولت په جوړښت جوړ رانشی نو طالبانو او امریکا د سولی توافق به نتیجه ورکړی؟
آیا پاکستان طالبانو ته اجازه ورکوی چی له افغان دولت سره مخامخ خبری وکړی ؟
آیا امریکا د سولی نوی فصل ته ژمنه ده او پدی پړاو کی په بیا د تیر په څیر کومه ستونزه نه جوړیږی چی تیره په څیر د افغان ولس په مایوسی تمامه شی؟
افغان دولت او هغه لنډه غری ډلی چی تر پرونه د طالبانو مخالفین بلل کیدل د سولی په اړه به شوی تړون ژمن پاتی شی یا داسی ګام پورته کړی چی د سولی طی شوی پروسی په وړاندی خنډ جوړ شی
ځکه عطامحمد او عبدالله او همدارنګه مخکینی مقاومت ډله د طالبانو سرسخت سیاسی او نظامی مخالف بلل کیدل آیا دوی حاضر دی چی د واک په ویش کی د دولت په وړاندی خنډ جوړ نکړی آیا داسی تضمین شته چی پاکستان به بیا د داسی ډلو او همدارنګه نوی داعش ډلی له ملاتړه او دلته د مخالف سیاسیونو له ملاتړ لاس واخلی او یاداچی همغه تړون په شان به شی چی ملګری ملتونو د ډاکټر نجیب الله سره کړی مګر بیا بیا د پآکستان له لوری مات او دلته د داخلی جنګونو او ډلو ملاتړ وکړ او کابل یی په کنډواله بدل کړ
آیا چین او برتانیه د پاکستان ضمانت کوی چی د افغانستان په داخلی چارو که به لاسوهنه نه کوی یا همدا امریکا دا ضمانت کوی چی پاکستان به د افغانستان سیاسی او اقتصادی چارو کی لاسوهنه او مداخله او نظر ورکول څخه ډډه کوی؟