تاند- د افغانستان دفاع وزارت ډاډ ورکړی چې د هیواد ملي اردو به په انتخاباتي او سیاسي مسایلوکې بې پرې وي.
دفاع وزیر بسم الله محمدي، چې نن یې د ملي اردو د څه باندې دوه زره افسرانو او سرتیرو دفراغت په مراسمو کې خبرې کولې، وویل، د ملي اردو ځواکونه به هیڅلکه د افغان سیاستوالو تر تاثیر لاندې رانشي.
ښاغلي محمدي وویل:«په سیاسي مسایلو کې ستاسو اردو بې طرفه ده، په انتخاباتي مسایلوکې بې طرفه وه، او تل مو ټینګار کړی چې اردو په سیاست کې داخله نشي، د افغانستان ملي اردو همدارنګه د افغانستان د ملي نوامیسو ساتونکې پاتې کیږي.”
دفاع وزیر همدارنګه د جمهوري ریاست له دواړو کاندیدانو څخه وغوښتل چې هرڅومره ژر چې کېدای شي یوې سیاسي موافقې ته ورسیږي او په هیواد کې د بې ثباتۍ وضعیت پای ته ورسوي.
دا په داسي حال کې ده چې د بلخ والي ویلي چې که د انتخاباتو نتیجې د دوی په خوښه برابرې نه وې، پلویان به یې دولتي ودانۍ ونیسي او د اعتراضونو لپاره به سړکونو ته راووځي.
په همدې حال کې د اصلاحالتو او همپالنې ټیم یوه ویاند فضل الرحمن اوریا نن ازادي راډیو ته وویل چې د اشرف غني احمدزي د دوام او بدلون د ټیم له ګډونه پرته به حکومت جوړ کړي.
ده وویل، که د دوام او بدلون ټیم ورسره یوځای نه شو ، منزوي به شي.
له بلې خوا د افغانستان د انتخاباتو خپلواک کمیسیون نن وویل چې سبا به د انتخاباتو تخنیکي بهیر پای ته ورسیږي.
د دغه کمیسیون ویاند نور محمد نور په کابل کې خبریالانوته وویل، تراوسه د ۸۵ فیصده چک لستونو او د نتیجو جدولونو په هکله نهایي
ښاغلي نور همدارنګه وویل سبا درایو د باطلولو وروستۍ غونډه ده او وروسته ټولې رایې د انتخاباتي شکایتونو کمیسیون ته لیږل کیږي.
دا د ډاکتر عبدالله لنډه غرو ته شین چراغ دی. یعنې چې هر څه یې کول دوی به ورته ګوري او څه به نه ورته وايي
ملی اردو باید د ملی تاسیساتو څخه دفاغ وکړي دا نه چه څوک یرغل وکړي او دوی دی ورته ګوري