تاند- د پاکستان صدراعظم نوازشریف هیله څرګنده کړه چې له طالبانو سره به خبرې وکړي څو په پاکستان کې سوله او امنیت ټینګ شي.
نوازشریف ادعا وکړه چې د «ترهګرۍ» پرخلاف په جګړه کې ۴۰ زره پاکستانیان وژل شوي دي.
ده زیاته کړه، هڅه او هیله کوي چې طالبان خبرو اترو ته حاضر شي او تمه لري چې د طالبانو ځواب به مثبت وي.
د پنجشنبې په ورځ پاکستاني طالبانو ملا فضل الله خپل نوی مشر وټاکه او نوموړي، چې ملګري یې د پاکستان د پوځ له لوري سخت کړول شوي دي، د پاکستان له حکومت سره د خبرو باب تړلی اعلان کړ.
د پاکستان صدراعظم نوازشریف له افغانستان او هند سره د خبرو له لارې د ستونزو د حل کولو غوښتنه وکړه، ویې ویل:«موږ جنګیالي نه یوو او د جګړو له لارې د مسلو د حل غوښتونکي نه یوو.»
ده د امریکا له ولسمشر بارک اوباما سره د خپلې کتنې په اړه وویل چې امریکا ځینې په ځای ملاحظې لرلې چې د ده په نظر سمې هم وې.
نوازشریف وویل:« د پاکستان په روانه جګړه او وینه بهیونه کې تر یوه حده په خپله هم ملامت یوو ، ولې مو یو وخت د سخت دریځو ملاتړ وکړ چې په نتیجه کې یې موږ خپل کور ته اور ورته کړ. نورو ته د انتقاد د ګوتې تر نیولو مخکې باید اول ځان ته وګورو.»
ده د امریکا له ولسمشر بارک اوباما او د هغه له مرستیال جو بایډن سره د خپلو خبرو په اړه وویل چې هغوی بیا بیا ورته وویل چې دوی ورسره څه کولی شي؟
تعجب خبره ده قا نونی دولت هر څه په لاس کی لری په څنګ کی ورسره فر عی حکو مت [طا لبان] چه نه ایین منی او نه قا نون قا نونی دولت ته احطا ر ورکوی دا کوم ډول سیا ست ده؟
دادنوازشریف یولوی سیاست دی چی ټولی دنیاته پری دوکه ورکوی
افغانانو بیدار شی وس یی بله لاره غوره کړه
دخدای [ج]څخه می امید دی چی په دی لاره کی به هم ناکام وی